ᑭᒡᒍᑎ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᖅ ᕿᒥᕐᕈᔭᐅᓂᖓ ᑭᖑᓪᓕᖅᐹᒥ ᐅᓂᒃᑳᖅ

ᓴᖅᑭᑕᐅᑲᐅᑎᒋᔭᕆᐊᓕᒃ

ᑭᒡᒍᑎ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᖅ ᕿᒥᕐᕈᔭᐅᓂᖓ ᑭᖑᓪᓕᖅᐹᒥ ᐅᓂᒃᑳᖅ

ᐃᖃᓗᐃᑦ, ᓄᓇᕗᑦ (ᓄᕕᐱᕆ 16, 2015) – ᐅᖃᐅᓯᕐᓄᑦ ᑲᒥᓴᓇ ᑭᐅᔪᖅ ᑭᖑᓪᓕᖅᐹᒧ ᐅᓂᒃᑳᖓᓄᑦ ᐊᔾᔨᐅᙱᑦᑐᓄᑦ ᑲᑎᒪᔨᕋᓛᓄᑦ ᕿᒥᕐᕈᔨᐅᓪᓗᑎᒃ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᕐᒥ ᑲᑎᒪᔾᔪᑕᐅᔪᖅ ᓄᕕᐱᕆ 5, 2015-ᒥ ᓄᓇᕗᒻᒥ ᒪᓕᒐᓕᐅᕐᕕᖕᒥ. ᐱᖁᔭᐅᓯᒪᓪᓗᓂ ᑐᓂᓯᓂᖓᓄᑦ ᑲᑎᒪᔨᕋᓛᓄᑦ ᐅᖃᐅᓯᕐᓄᑦ ᑲᒥᓴᓇ ᐊᖏᖃᑎᖃᕐᖢᓂ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᖅ ᐱᑎᑦᑎᔭᕆᐊᓕᒃ ᑕᒪᒃᑭᖅᑐᓂᑦ ᑐᕌᒐᒃᓴᓂᑦ ᑕᐅᑐᙳᐊᖅᑕᐅᔪᓂᒃᓘᓐᓃᑦ ᐅᖃᐅᓯᐅᔪᓂᑦ (ᒪᒃᐱᒐᖅ 9). ᐊᒻᒪᓗᑦᑕᐅᖅ ᐱᔭᕆᐊᖃᕐᓂᖓ ᒪᓕᒐᒃᓴᓕᐅᖅᑕᐅᓂᖓ ᑎᑎᕋᕈᓯᖅ ᐊᑐᖃᑦᑕᕐᓂᐊᖅᑐᖅ ᐃᓄᒃᑐᑦ (ᒪᒃᐱᒐᖅ 10). ᑭᖑᓪᓕᖅᐹᒥ, ᐅᖃᐅᓯᕐᓄᑦ ᑲᒥᓴᓇ ᐊᖏᖃᑎᖃᕐᖢᓂ ᐃᒪᓐᓇ “...ᐱᕈᖅᐸᓪᓕᐊᓕᓵᖅᑐᓄᑦ ᓱᕈᓯᓛᑦ ᐃᓕᓐᓂᐊᕐᓂᖅ ᐱᒻᒪᕆᐅᓪᓗᓂ ᐱᔾᔪᑕᐅᔪᖅ ᐃᓕᓐᓂᐊᕐᓂᕐᒧᑦ ᑲᔪᓯᑦᑎᐊᕐᓂᕐᒧᑦ” (ᒪᒃᐱᒐᖅ 12).

“ᑕᐃᒪᐃᒃᑲᓗᐊᖅᑎᓪᓗᒍ, ᑭᖑᓪᓕᖅᐹᒥ ᐅᓂᒃᑳᖅ ᒥᒃᓴᐅᓯᓯᒪᖅᑰᔨᖕᒪᑕ ᓴᐳᒻᒦᓂᕐᒥᒃ ᐆᒻᒪᖅᑎᑦᑎᓂᕐᒥᒃᓗ ᐃᓄᒃᑐᑦ ᓄᓇᕗᑦ ᐱᓕᕆᐊᕆᕐᔪᐊᖅᓯᒪᔭᖓᓂ ᐋᖅᑭᒐᓱᒃᖢᒍ. ᐅᖃᐅᓯᐅᓯᒪᔪᖅᑕᖃᕐᒪᑦ ᐅᓂᒃᑳᒥᑦ ᐊᑲᐅᙱᒐᓚᒃᑐᓂᑦ”, ᐅᖃᖅᑐᖅ ᐅᖃᐅᓯᕐᓄᑦ ᑲᒥᓴᓇ ᓵᓐᑐᕋ ᐃᓅᑎᖅ. ᑲᑎᒪᔨᕋᓛᑦ ᓇᓚᐅᑦᑖᕆᔪᑦ ᓂᕈᐊᕈᓐᓇᕐᓂᕐᒥᒃ “ᓴᙱᔪᒥᒃ ᖁᑦᑎᖕᓂᖅᓴᒥ ᑐᙵᕕᖃᕐᓂᖅ” ᐅᓇᓘᓐᓃᑦ “ᐃᓚᐅᓪᓗᓂ ᐅᖃᐅᓯᖅᑕᑦ, ᐃᓕᖅᑯᓯᑐᖃᑦ ᐊᑐᕐᓂᑯᐃᓪᓗ” (ᒪᒃᐱᒐᖅ 9). “ᐃᓱᒪᓕᐅᕈᑎ ᓂᕈᐊᕈᓐᓇᕐᓂᕐᒥᒃ ᐊᑯᓐᓂᖓᓂ ᐅᖃᐅᓯᖅᑕᑦ, ᐃᓕᖅᑯᓯᑐᖃᑦ ᐊᑐᕐᓂᑯᐃᓪᓗ ᖁᑦᑎᖕᓂᖅᓴᓅᖓᔪᕐᓘᓐᓃᑦ ᑲᔪᓯᑎᑦᑎᔪᖅ ᖃᓪᓗᓈᑦ ᐊᐅᓚᑦᑎᓗᑎᒃ ᐃᓱᒪᓇᖅᑐᖅ ᐃᓄᐃᑦ ᐃᓕᖅᑯᓯᑐᖃᖓᑦ ᐅᖃᐅᓯᖅᑕᖏᓪᓗ ᐊᑦᑎᖕᓂᖅᓴᐅᓂᖓᓂᒃ, ᖁᑦᑎᖕᓂᖅᓴᐅᔭᕆᐊᖃᙱᑦᑐᖅ. ᐅᖃᐅᓯᖅᑕᑦ, ᐃᓕᖅᑯᓯᑐᖃᑦ ᖁᓕᕇᒃᑐᑎᑐᑦ ᑕᑯᓐᓇᖅᑕᐅᒋᐊᖃᖏᑦᑑᒐᓗᐊᑦ” ᐃᓅᑎᖅ ᐅᖃᖅᑐᖅ.

ᐊᑐᕐᖢᒍ ᐅᖃᐅᓯᕐᓄᑦ ᐱᖁᔭᖅ ᓄᓇᕗᑦ ᐱᓇᓱᒃᑐᖅ ᐊᔾᔨᒌᒃᑎᑦᑎᓂᕐᒥᒃ ᑕᒪᐃᓐᓂᒃ ᐃᓕᓴᕆᔭᐅᓯᒪᔪᓂ ᐅᖃᐅᓯᖅᑕᓂᑦ. ᐃᓄᐃᑦ ᐅᖃᐅᓯᖏᓐᓂᒃ ᓴᐳᒻᒦᓂᕐᒥ ᐱᖁᔭᖅ ᐃᓚᖏᓪᓗ ᐊᑐᕆᐊᓕᖕᓂ ᐃᓕᓴᕆᔭᐅᓯᒪᔪᓂ ᐅᖃᐅᓯᖅᑕᓂᑦ ᐱᖁᔭᕐᒥ ᐱᓇᓱᖕᒪᑦ ᐃᓄᐃᑦ ᐅᖃᐅᓯᖓᑦ ᐱᔭᕆᐊᖃᕐᒪᑦ ᖁᕝᕙᖅᑎᑕᐅᕐᔪᐊᕐᓂᕐᒥᑦ ᑕᒃᐸᐅᙵᖁᓪᓗᒋᑦ ᐱᔭᕇᕐᓗᒋᑦ ᐱᔭᕆᐊᖃᖅᑐᑦ ᐊᔾᔨᒌᒃᑎᑦᑎᓂᑦ ᐊᓯᖏᓐᓂᑦ ᐃᓕᓴᕆᔭᐅᓯᒪᔪᑦ ᐅᖃᐅᓯᖅᑕᓂᑦ ᖃᓪᓗᓈᑎᑐᑦ ᐅᐃᕖᑎᑐᓪᓗ. ᑕᐃᑲᙵᑦ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᖅ ᐋᖅᑭᒃᑕᐅᑎᓪᓗᒍ ᐊᑕᐅᑦᑎᒃᑯᑦ, ᑐᕌᒐᒃᓴᖏᑦ

ᑕᐃᔅᓱᒪ ᐱᖁᔭᐅᑉ ᐅᖃᐅᓯᖅᑕᓄᓪᓗ ᐱᖁᔭᕐᓂ ᐊᔾᔨᒌᑦᑐᑦ. “ᑐᑭᓯᑦᑎᐊᕈᓐᓇᙱᑕᕋ ᖃᓄᖅ ᑐᑭᖃᕐᒪᖔᑦ ᐅᖃᖅᓯᒪᔪᒥ “ᐊᔾᔨᒌᖏᑦᑐᒥ−ᒪᓕᒐᓕᐅᖅᑕᐅᓂᖅ ᐱᔭᕆᐊᓕᑦ ᐃᓂᖃᖅᑎᑦᑎᔭᕆᐊᖃᖅᑐᑦ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᕐᒥ ᓇᖕᒥᓂᖅ”. ᐱᖁᔨᔪᖃᖅᐸᑦ ᑭᓯᐊᓂ ᑖᓐᓇ ᐱᔪᓐᓇᐅᑎ ᐱᑕᖃᕆᐊᖃᙱᓐᓂᖓᓂᒃ. ᐲᖅᓯᓂᖅ ᐱᔪᓐᓇᐅᑎᓂᑦ ᐱᒻᒪᕆᐊᓘᖕᒪᑦ” ᐃᓅᑎᖅ ᐅᖃᖅᑐᖅ.

ᑲᑎᒪᔨᕋᓛᑦ ᑐᒃᓯᕋᕐᒥᔪᑦ ᐊᑕᐅᓯᕐᒥᒃ ᐊᑐᒐᒃᓴᒥᑦ ᐱᔪᒪᓂᕋᖅᖢᑎᒃ (ᒪᒃᐱᒐᖅ 14) ᐅᖃᖅᓯᒪᓪᓗᓂ ᐊᔪᕐᓇᙱᓐᓂᖅᓴᐅᑎᑦᑎᓇᔭᕐᒪᑦ ᐊᑐᖅᑎᑦᑎᓂᕐᒥᑦ ᐃᓕᓐᓂᐊᕐᓂᕐᒧᑦ. ᖃᐅᔨᒪᓇᑦᑎᐊᙱᒻᒪᑦ ᓇᓕᐊᒃ ᐅᖃᐅᓯᖅ ᑐᒃᓯᕌᖑᖕᒪᖔᑦ ᐊᑐᖅᑕᐅᖁᔭᐅᔪᒥ ᐊᑕᐅᓯᕐᒧᑦ ᐊᑐᕆᐊᓕᖕᒧᑦ. ᐅᖃᐅᓯᕐᓄᑦ ᑲᒥᓴᓇᐅᑉ ᑎᑎᕋᖅᓯᒪᔪᓂᑦ ᑐᓐᓂᖅᑯᑎᖏᓐᓂ ᐅᖃᖅᓯᒪᖕᒪᑦ ᐊᔾᔨᒌᖏᑦᑐᓂᑦ ᐅᖃᐅᓯᓕᕆᓂᕐᒥ ᐱᓪᓚᑦᑖᖅᑐᑦ ᓄᓇᓕᖕᓂ ᐃᓱᒪᒋᔭᐅᔭᕆᐊᓕᑦ. ᓴᐳᒻᒦᓂᐊᕐᓗᒍ ᐆᒻᒪᖅᑎᓪᓗᒍᓗ ᐃᓄᒃᑐᑦ ᐊᔾᔨᒌᖏᑦᑐᑦ ᐊᑐᒐᒃᓴᑦ ᐃᓱᒪᒋᔭᐅᔭᕆᐊᓕᑦ ᑐᓐᓂᖅᑯᑎᒋᓗᒋᑦ ᑖᒃᑯᐊ ᐊᔾᔨᒌᖏᑦᑐᑦ ᓄᓇᓖᑦ ᐅᖃᐅᓯᑎᒍᑦ.

ᑲᑎᒪᔨᕋᓛᑦ ᐅᖃᕐᒥᔪᑦ ᐱᔾᔪᑎᒋᓪᓗᒍ ᓈᒻᒪᙱᑦᑐᖅ ᖁᑦᑎᖕᓂᖓ ᒪᕐᕉᖕᓂᒃ ᐅᖃᐅᓯᓕᖕᓄᑦ ᐃᓕᓐᓂᐊᖅᑎᑦᑎᔨᑦ, ᐱᑕᖃᕆᐊᓕᒃ “ᐊᑕᐅᓯᕐᒥᒃ ᐅᖃᐅᓯᓕᖕᒥᑦ ᒪᓕᒋᐊᓕᖕᓂᑦ ᐃᓕᓐᓂᐊᕈᑎᒃᓴᒥᑦ” (ᒪᒃᐱᒐᖅ 14). ᐱᖏᖕᓇᕐᒪᑦ ᐋᖅᑭᒃᓯᓗᓂ ᑭᓱᒥᑦ ᐅᖃᐅᓯᕐᒥᑦ ᑐᒃᓯᕋᐅᑕᐅᖕᒪᖔᑦ ᐱᓪᓗᒍ ᐱᔾᔪᑕᐅᓗᐊᙱᑦᑐᖅ ᐊᑐᖅᑎᓪᓗᒍ ᑖᓐᓇ ᐅᖃᖅᓯᒪᔫᓚᐅᙱᑎᓪᓗᒍ. ᐱᖁᔨᕗᖔᕈᑕᐅᔪᑦ ᐃᓚᐅᑎᑦᑎᒐᓗᐊᖅᑎᓪᓗᒋᑦ ᐃᒪᓐᓈᖅᑐᕈᑎᒃᓴᓕᐊᑦ ᐱᓇᓱᖕᓂᕐᒧᑦ ᖁᕝᕙᓯᒋᐊᕐᓗᒍ, ᐃᖅᑲᓇᐃᔮᕆᔭᐅᑎᓪᓗᒍ ᐱᓯᒪᐃᓐᓇᕐᓗᒋᓪᓗ ᐃᓕᓴᐃᔨᑦ ᐃᓕᓐᓂᐊᖅᑎᑦᑎᔨᓪᓗ ᑲᔪᓯᓗᑎᒃ (ᐱᖁᔨᕗᖔᕈᑎ 12). “ᖃᓪᓗᓈᑎᑐᑦ ᐅᖃᐅᓯᖅᑕᐅᓂᐊᖅᐸᑦ ᒪᓕᒃᑕᐅᔭᕆᐊᓕᖕᒥ, ᑖᓐᓇ ᑲᔪᓯᑎᑦᑎᔪᖅ ᐃᓕᖅᑯᓯᐅᔪᒥᑦ ᐃᓕᓯᓂᐊᕐᖢᓂᓗ ᐃᓄᒃᑐᑦ ᓴᒃᑯᐃᑎᑦᑎᓇᓱᖕᓂᕐᒧᑦ; ᐊᐱᕆᔭᕆᐊᖃᖅᑐᒍᑦ ᐅᕙᑦᑎᓐᓄᑦ ᑖᓐᓇ ᐱᔪᒪᖕᒪᖔᑦᑎᒍᑦ ᓄᓇᕗᖑᑎᓪᓗᑕ”. ᐱᓇᓱᖕᓂᖅ ᐊᑐᕐᓂᖃᕐᑐᓂᑦ ᐊᔾᔨᒌᒃᑎᑦᑎᓂᕐᒥᒃ ᐱᔪᖅ “ᐃᓗᓕᖃᐅᖅᑐᖅ ᐊᔪᕐᓇᕐᖢᓂᓗ ᐊᐅᓚᑦᑎᒋᐊᖓ”, ᐊᖏᔪᒥᑦ ᐱᔪᒥᓇᖅᓯᒃᑲᓐᓂᕐᓂᖅ ᐱᑕᖃᙱᑉᐸᑦ ᐃᓄᒃᑐᑦ ᑲᔪᓯᓂᐊᖅᑐᖅ ᐱᑕᖃᕈᓐᓃᖅᐸᓪᓕᐊᓗᓂ ᐊᑐᖅᑕᐅᓂᕐᒧᑦ ᐱᓗᐊᕐᑐᒥ ᒪᒃᑯᒃᑐᕗᑦ ᐅᓄᕐᓂᖏᑦ.

-30

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃᓴᖅ:

ᑳᓖᓐ ᐋᕆᐊᒃ

ᓇᐅᑦᑎᖅᓱᖅᑎ ᐊᒻᒪ ᖃᐅᔨᓴᖅᑎ-ᐃᓄᒃᑐᑦ

ᐅᖃᐅᓯᕐᓄᑦ ᑲᒥᓴᓇᐅᑉ ᐊᒡᓚᒡᕕᐊ ᓄᓇᕗᒻᒥ

(867) 975-5087