ᐅᖃᐅᓯᕐᓄᑦ ᐃᓕᓴᕆᔭᐅᓯᒪᔪᓄᑦ ᒪᓕᒐᖅ

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᐱᖁᔭᕐᔪᐊᖓ

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᐱᖁᔭᕐᔪᐊᖓᑦ ᐃᓕᓴᖅᓯᓯᒪᕗᖅ ᐱᖓᓱᓂᒃ ᐅᖃᐅᓯᕐᓂᒃ: ᐃᓄᐃᑦ ᐅᖃᐅᓯᖓᑦ, ᖃᓪᓗᓈᑦ ᐊᒻᒪᓗ ᐅᐃᕖᑦ.  ᑖᒃᑯᑎᒎᓇᖅ ᐱᖁᔭᕐᔪᐊᖅᑎᒍᑦ ᐅᑯᐊᖑᕗᑦ ᐱᔪᓐᓇᐅᑏᑦ ᓇᓗᓇᐃᖅᑕᐅᓯᒪᓪᓚᕆᒃᐳᑦ:

  • ᓇᓕᐊᑐᐃᓐᓇᖅ ᐅᖃᐅᓯᖅ ᐃᓕᓴᕆᔭᐅᓯᒪᔪᖅ ᐊᑐᖅᑕᐅᔪᓐᓇᕐᓗᓂ ᒪᓕᒐᓕᐅᕐᕕᖕᒥ ᑲᑎᒪᓂᖃᖅᑎᓪᓗᒋᑦ ᐊᓯᐊᒍᖔᕐᓘᓐᓃᑦ ᑲᑎᒪᓂᖃᖅᑎᓪᓗᒋᑦ;
  • ᓄᓇᕗᑦ ᐃᖅᑲᖅᑐᐃᕕᖓᓐᓂ ᐊᒻᒪᓗ ᐊᔪᐃᓐᓇᕆᐊᒃᑲᓐᓂᕐᕕᖕᒥ ᐃᖅᑲᖅᑐᐃᕕᖕᓂ ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᐊᑐᖅᑕᐅᖃᑦᑕᕐᓂᖏᑦ;
  • ᑭᓇᑐᐃᓐᓇᖅ ᐅᖃᖃᑎᖃᖅᑐᖅ ᐅᕝᕙᓘᓐᓃᑦ ᐱᔨᑦᑎᕐᕕᐅᔪᖅ ᑐᑦᑕᕐᕕᖕᒥ ᐅᕝᕙᓘᓐᓃᑦ ᐊᕕᒃᑐᖅᓯᒪᔪᑦ ᑎᑎᕋᕐᕕᖓᓐᓂ ᐊᑐᕈᓐᓇᕐᓗᓂ ᓇᓕᐊᑐᐃᓐᓇᕐᓂᒃ ᐅᖃᐅᓯᕐᓂᒃ ᐃᓕᓴᕆᔭᐅᓯᒪᔪᓂᒃ, ᐊᒻᒪᓗ
  • ᑐᒃᓯᕌᓖᑦ ᐅᓄᕐᓂᖏᑦ ᓈᒻᒪᒃᐸᑕ, ᐊᓯᖏᑦ ᐅᑭᐅᖅᑕᖅᑐᒥ ᑎᒥᓐᖑᖅᑎᑕᐅᓯᒪᔪᑦ ᑐᑦᑕᕐᕕᐅᓐᖏᑦᑐᑦ ᐅᕝᕙᓘᓐᓃᑦ ᐊᕕᒃᑐᖅᓯᒪᔪᓂ ᑎᑎᕋᕐᕕᐅᓐᖏᑦᑐᑦ ᐱᔭᒃᓴᖅᑖᖅᑎᑕᐅᓯᒪᕗᑦ ᐱᔨᑦᑎᕈᑎᓂᒃ ᐊᑐᐃᓐᓇᕈᐃᓯᒪᓂᕐᒥᒃ ᐊᑐᕐᓗᒋᑦ ᐅᖃᐅᓯᑦ ᐃᓕᓴᕆᔭᐅᓯᒪᔪᑦ.

ᓄᓇᓖᑦ ᒐᕙᒪᖏᑦ
ᑐᒃᓯᕌᓖᑦ ᐅᓄᕐᓂᖏᑦ ᓈᒻᒪᒃᐸᑕ, ᐊᒻᒪᓗ ᐱᔨᑦᑎᕐᕕᐅᔪᒪᒃᐸᑕ ᓇᓕᐊᑐᐃᓐᓇᖅ ᐅᖃᐅᓯᑦ ᐃᓕᓴᕆᔭᐅᓯᒪᔪᑦ ᐊᑐᕐᓗᒋᑦ, ᓄᓇᓕᖕᓂ ᒐᕙᒪᐃᑦ ᐱᔨᑦᑎᕈᑎᓂᒃ ᓴᖅᑭᑦᑎᔭᕆᐊᖃᖅᐳᑦ ᐊᑐᕐᓗᒍ ᐅᖃᐅᓯᖅ ᐃᓕᓴᕆᔭᐅᓯᒪᔪᖅ 2012 ᑐᖔᓂ.  ᑐᒃᓯᕌᓖᑦ ᐅᓄᕐᓂᖏᑦ ᓈᒻᒪᖕᓂᕋᖅᑕᐅᓇᔭᖅᐳᑦ ᐅᑯᑎᒎᓇᖅ:

  • ᐃᓄᐃᑦ ᐅᓄᕐᓂᖏᑦᑎᒍᑦ ᐱᔨᑦᑎᕐᕕᐅᔪᑦ;
  • “ᐅᖃᐅᓯᖅ ᐊᑐᖅᑕᐅᓂᖅᐹᖅ” ᐅᓄᕐᓂᖏᑦᑎᒍᑦ ᑕᖅᑲᒃᑯᓄᖓ ᐊᑐᖅᑕᑦ;
  • ᐅᖃᐅᓯᐅᔪᑦ ᐱᔨᑦᑎᕈᑏᑦ ᐱᒻᒪᕆᐅᓂᖏᑦ, ᐊᖏᓂᖏᑦ ᐅᕝᕙᓘᓐᓃᑦ ᐊᒃᑐᐃᓂᖏᑦ, ᐊᒻᒪᓗ
  • ᐱᔨᑦᑎᕈᑏᑦ ᐊᒃᑐᐃᓂᓕᑦ ᑕᖅᑲᒃᑯᓄᖓ ᐋᓐᓂᐊᖃᕐᓇᓐᖏᑦᑐᒦᓐᓂᖏᓐᓄᑦ, ᐊᑦᑕᓇᔾᔭᐃᖅᑕᐅᓯᒪᓂᖏᓐᓄᑦ ᐅᓗᕆᐊᓇᖅᑐᒦᑎᑕᐅᓐᖏᓐᓂᖏᓐᓄᑦ.

ᐅᖃᐅᓯᑦ ᐃᓕᓴᕆᔭᐅᓯᒪᔪᑦ ᐱᖁᔭᕐᔪᐊᖓᑕ ᒥᒃᓵᓄᑦ ᑐᑭᓯᒋᐊᒃᑲᓐᓂᕈᒪᒍᕕᑦ ᐅᓇ ᓇᕿᓪᓗᒍ click here.

 

AttachmentSize
inukconssnu2008c10.pdf302.52 KB