ᑕᒪᕐᒥᑦᑎᐊᖅ ᒐᕙᒪᒃᑯᑦ ᑎᑎᕋᕐᕕᖏᑦ ᐱᔨᑦᑎᕋᕆᐊᖃᖅᐹᑦ ᑕᒪᐃᑎᒍᑦ ᐃᓕᓴᕆᔭᐅᓯᒪᔪᑎᒍᑦ ᐅᖃᐅᓯᖅᑎᒎᑦ ?

ᓄᓇᕗᑦ ᒐᕙᒪᒃᑯᖏᑦ, ᑲᑎᒪᔨᖏᑦ ᑐᑦᑕᕐᕕᒋᔭᖏᓐᓄᓪᓘᓐᓃᑦ ᑖᒃᑯᐊ ᐃᒪᐃᑦᑑᒃᐸᑕ:

  • ᑐᑦᑕᕐᕕᒋᔭᐅᒍᑎᒃ ᐃᓂᓪᓗᐊᑕᕆᔭᐅᒍᑎᒡᓘᓐᓃᑦ ᑎᑎᕋᕐᕕᒋᔭᐅᓗᑎᒃ;
  • ᑎᑎᕋᕐᕕᒋᔭᐅᒍᑎᒃ ᐊᑐᖅᑕᐅᒻᒪᕆᒋᐊᖃᖅᐸᒡᓗᑎᒃ ᓲᕐᓗ ᑐᐊᕕᕐᓇᖅᑐᓄᑦ ᐱᔨᑦᑎᕋᕆᐊᖃᖅᐸᒃᑯᑎᒃ, ᐃᒡᓗᕐᔪᐊᕆᔭᐅᔪᓄᑦ ᐱᔨᑦᑎᕋᕆᐊᖃᖅᐸᒃᑯᑎᒃ ᓲᕐᓗ ᐆᒻᒪᖅᑯᑎᖃᖅᑎᑦᑎᓂᕐᒧᑦ ᐅᖅᓱᐊᓗᖃᖅᑎᑦᑎᓂᕐᒧᓪᓗ, ᐊᖏᔪᒻᒪᕆᒃᑯᓪᓗ ᐊᒃᑐᖅᓯᓂᖃᕐᓂᐊᕈᑎᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖁᐊᖅᓵᕐᓇᖅᑕᐃᓕᒪᑎᑦᑎᓂᕐᒧᓪᓗ; ᐃᒪᓐᓇᓘᓐᓃᑦ
  •  ᐊᑐᖅᑕᐅᑦᑎᐊᖁᔭᐅᓯᒪᒃᐸᑦ ᐱᔨᑦᑎᕋᕈᑕᐅᓗᓂ ᑐᓴᐅᒪᖃᑦᑕᐅᑎᔾᔪᑕᐅᓗᓂᓘᓐᓃᑦ ᑖᔅᓱᒧᖓ ᑎᑎᕋᕐᕕᖕᒧᑦ ᐅᖃᐅᓯᕐᒥᒃ ᐃᓕᓴᕆᔭᐅᓯᒪᔪᒥᒃ ᐊᑐᖁᔨᓯᒪᓗᑎᒃ.