ᓄᓇᕗᒻᒥ ᐅᖃᐅᓯᑦ ᐃᓕᓴᕆᔭᐅᓯᒪᔪᑦ

ᓄᓇᕗᒻᒥ ᐅᖃᐅᓰᑦ ᐃᓕᓴᕆᔭᐅᓯᒪᔪᑦ
ᓄᑖᑦ ᓄᓇᕗᒻᒥ ᐅᖃᐅᓯᓕᕆᓂᕐᒧᑦ ᐱᖁᔭᕐᔪᐊᖅ ᐃᓕᓴᖅᓯᓯᒪᕗᖅ ᐃᓄᐃᑦ ᐅᖃᐅᓯᖓᓂᒃ (ᐃᓄᒃᑎᑐᑦ ᐊᒻᒪᓗ ᐃᓄᐃᓐᓇᖅᑐᓐ), ᖃᓪᓗᓈᑦ ᐅᐃᕖᓪᓗ ᐅᖃᐅᓯᖏᓐᓂᒃ, ᓄᓇᕗᑦ ᐃᓗᐊᓂ ᐃᓕᓴᕆᔭᐅᓯᒪᓪᓗᑎᒃ ᐅᖃᐅᓯᕆᔭᐅᓪᓗᑎᒃ.
ᐃᓄᐃᑦ ᐅᖃᐅᓯᖓᑦ
ᐃᓄᐃᑦ ᐅᖃᐅᓯᖓᑦ ᑕᒪᒃᑮᖑᕗᑦ ᐃᓄᐃᓐᓇᖅᑐᑦ ᐊᒻᒪᓗ ᐃᓄᒃᑎᑐᑦ.
ᓄᓇᕗᒻᒥ ᐃᓄᐃᑦ ᒪᕐᕈᐃᖕᓂᒃ ᐃᓄᒃᑎᑐᑦ ᑎᑎᕋᐅᓰᖕᓂᑦ ᐊᑐᖅᐳᑦ:  ᖃᓕᐅᔮᖅᐸᐃᑦ (ᖃᓪᓗᓈᑦ ᑎᑎᕋᐅᓯᖏᓐᓂᒃ ᐊᑐᖅᑐᑦ) ᐊᒻᒪᓗ ᖃᓂᐅᔮᖅᐸᐃᑦ (ᐃᓄᐃᑦ ᑎᑎᕋᐅᓯᖏᓐᓂᒃ ᐊᑐᖅᑐᑦ).  ᐊᒥᓱᑦ ᓄᓇᕗᒻᒥ ᐃᓄᒃᑎᑐᑦ ᐅᖃᓪᓚᓲᑦ ᓇᖕᒥᓂᖅ ᐅᖃᐅᓯᕐᒥᓂᒃ ᑎᑎᕋᓕᕌᖓᒥᒃ ᖃᓂᐅᔮᖅᐸᐃᑦ ᑎᑎᕋᐅᓯᖏᓐᓂᒃ ᐊᑐᖃᑦᑕᖅᑐᑦ.  ᐃᓄᐃᑦ ᑎᑎᕋᐅᓯᖏᑦᑕ ᑎᑎᕋᑯᓗᖏᑦ 60-ᖏᓐᓃᑉᐳᑦ, ᐅᓄᖅᑐᓪᓗ ᐊᑕᐅᓯᐅᓐᖏᑦᑐᓂᒃ ᖃᓂᐅᑉ ᐅᖃᖅᐸᓪᓕᐊᔭᖏᓐᓂᒃ ᐊᑕᐅᓯᕐᒥᒃ ᓇᓗᓇᐃᒃᑯᑕᕐᒥᒃ ᐊᑐᖅᖢᑎᒃ.  ᑕᐃᒪᐃᓐᓂᖓᓄᑦ “NU” ᖃᓕᐅᔮᖅᐸᐃᑦ ᑎᑎᕋᐅᓯᖏᑦ ᐊᑐᕐᓗᒋᑦ ᑕᐃᒪᓐᓇ ᑎᑎᕋᖅᓯᒪᓇᔭᖅᐳᖅ, ᐃᓄᒃᑎᑐᑦ “ᓄ”-ᖑᑐᐃᓐᓇᖅᑎᓪᓗᒍ.  ᖃᓂᐅᔮᖅᐸᐃᑦ ᑎᑎᕋᐅᓯᖏᑦ ᐊᑐᖅᐳᑦ ᖃᓪᓗᓈᑦ ᐅᕝᕙᓘᓐᓃᑦ ᑎᑎᖅᑲᖏᓐᓂᒃ.  ᐊᒥᓱᑦ ᖃᓂᐅᔮᖅᐸᐃᓂᒃ ᐊᑐᓲᑦ ᑎᑎᕋᕈᓐᓇᕆᕗᑦ ᖃᓕᐅᔮᖅᐸᐃᑎᑐᑦ, ᐱᓗᐊᕐᓗᒋᑦ ᑎᑎᕋᓕᕌᖓᒥᒃ ᖃᕆᓴᐅᔭᒃᑯᑦ ᐅᕝᕙᓘᓐᓃᑦ ᐊᓯᖏᓐᓂᒃ ᐱᓕᕆᐊᖃᓕᕌᖓᒥᒃ ᖃᕆᓴᐅᔭᒃᑰᖅᑐᓂᒃ.  ᓄᓇᕗᑦ ᒐᕙᒪᒃᑯᑦ ᖃᕆᓴᐅᔭᖁᑎᖏᑦ ᐋᖅᑭᒃᑕᐅᓯᒪᕗᑦ ᖃᓂᐅᔮᖅᐸᐃᑎᑐᑦ ᑎᑎᕋᕈᑕᐅᔪᓐᓇᕐᓂᐊᕐᒪᑕ.  ᐃᓄᐃᓐᓇᖅᑐᑦ ᐅᖃᐅᓯᓖᑦ ᑎᑎᕋᐅᓯᖃᖅᐳᑦ ᖃᓪᓗᓈᑦ ᑎᑎᕋᕈᓯᖏᓐᓂᒃ ᒪᓕᒃᖢᑎᒃ.  

2006-ᒥ ᑐᑭᓯᓇᓱᖕᓂᖃᖅᖢᑎᒃ ᐊᐱᖅᓱᑲᑕᖕᓂᖃᖅᑎᓪᓗᒋᑦ, 64 ᐳᓴᓐᑎᖏᓐᓃᑦᑐᑦ ᑭᐅᔪᑦ ᐅᖃᓚᐅᖅᓯᒪᔪᑦ ᐃᓄᐃᑦ ᐅᖃᐅᓯᖏᓐᓂᒃ ᐊᑐᖃᑦᑕᕐᓂᕋᖅᖢᑎᒃ ᐊᖏᕐᕋᒥ, ᐅᖃᐅᓯᕐᖓᐅᑎᖃᖅᑐᑦ ᓄᓇᕗᓕᒫᒥ 83 ᐳᓴᓐᑎᖏᓐᓃᒃᑲᓗᐊᖅᑎᓪᓗᒋᑦ.  ᑕᐃᒪᐃᓕᖓᑎᓪᓗᒍ ᐊᕐᕌᒍᑦ ᖁᓕᑦ ᐃᓗᐊᓂ 12 ᐳᓴᓐᑎᒦᑦᑐᑦ ᐅᖃᐅᓯᕐᖓᐅᑎᒥᖕᓂᒃ ᐊᑐᖃᑦᑕᕈᓐᓃᖅᑐᑦ.  ᑕᐃᒪᐃᓕᖓᔾᔪᑎᖃᖅᐳᑦ ᒪᒃᑯᒃᑐᑦ ᐅᕝᕙᓘᓐᓃᑦ ᐅᑭᐅᑭᑦᑐᑦ ᐅᓄᕐᓂᖅᐹᖑᖕᒪᑕ, 2006-ᒥ ᐊᕐᕌᒎᖃᖅᑐᑦ 23.1-ᓂᒃ ᐅᓄᕐᓂᖅᐹᖑᓚᐅᖅᖢᑎᒃ, ᑲᓇᑕᒥᓗ ᐅᓄᕐᓂᖅᐹᑦ 39.5-ᓄᑦ ᐊᕐᕌᒍᖏᑦ ᐋᖅᑭᒃᑕᐅᓯᒪᓪᓗᑎᒃ.

ᐅᐃᕖᑦ ᐅᖃᐅᓯᖓᑦ
2006-ᒥ ᑐᑭᓯᓇᓱᖕᓂᖃᖅᖢᑎᒃ ᐊᐱᖅᓱᑲᑕᖕᓂᖃᖅᑎᓪᓗᒋᑦ, 420-ᐅᓚᐅᖅᐳᑦ ᐅᐃᕖᑦ ᐅᖃᐅᓯᖓᓐᓂᒃ ᐅᖃᐅᓯᕐᖓᐅᑎᓖᑦ, ᐊᒻᒪᓗ 1,200-ᖑᓂᕋᖅᑕᐅᓪᓗᑎᒃ ᐅᐃᕖᑦ ᐅᖃᐅᓯᖓᓐᓂᒃ ᐊᑐᖃᑦᑕᖅᑐᑦ.  ᓄᓇᕗᒻᒥ ᒐᕙᒪᒃᑯᑦ ᑐᑦᑕᕐᕕᖓᓐᓂ ᐃᖃᓗᖕᓂ, ᐅᐃᕖᑦ ᐅᓄᖅᑐᕐᔪᐊᒻᒪᕆᐊᓗᐃᑦ ᐅᖃᐅᓯᕐᒥᖕᓂᒃ ᐊᑐᖅᑐᑦ.  ᐃᖃᓗᖕᓂ, ᑕᒫᓂ 800-ᖏᓐᓃᑦᑐᑦ ᐅᐃᕖᑎᑐᑦ ᐅᖃᕈᓐᓇᕐᓂᖃᓚᐅᖅᑐᑦ, ᐊᒻᒪᓗ ᐊᒥᓲᓪᓗᑎᒃ ᐅᐃᕖᑦ ᐃᓄᖕᓂᒃ ᓄᓕᐊᖅᑖᖅᓯᒪᔪᑦ ᐅᐃᑖᖅᓯᒪᔪᓪᓘᓐᓃᑦ.  ᐅᐃᕖᑎᑐᑦ ᐅᖃᐅᓯᕐᒥᒃ ᐊᑐᖅᑐᑦ ᓇᖕᒥᓂᖅ ᐃᓕᓐᓂᐊᕐᕕᓖᑦ, ᐸᐃᕆᕕᓖᑦ, ᓈᓚᐅᑎᖃᕐᕕᓖᑦ, ᐊᒻᒪᓗ ᐃᓕᖅᑯᓯᓕᕆᕕᖃᖅᖢᑎᒃ ᖃᐅᑕᒫᖅ ᒪᑐᐃᖏᓐᓇᖃᑦᑕᖅᑐᒥᒃ ᐊᒻᒪᓗ ᖃᓄᐃᓕᐅᖅᑎᑦᑎᕈᓅᔭᖃᑦᑕᖅᖢᑎᒃ ᐊᕐᕌᒎ ᐃᓗᐊᓂ.

ᖃᓪᓗᓈᑦ ᐅᖃᐅᓯᖓᑦ
ᖃᓪᓗᓈᑦ ᐅᖃᐅᓯᖓᑦ ᐊᒃᓱᐊᓗᒃ ᐊᑐᖅᑕᐅᔪᖅ ᐊᕕᒃᑐᖅᓯᒪᔪᓂ ᑐᑦᑕᕐᕕᒋᔭᐅᔪᓂ ᐊᒻᒪᓗ ᓄᓇᓕᖕᓂ ᐊᖏᓂᖅᓴᓂ ᐊᒻᒪᓗ ᒪᓕᒐᖅᑎᒍᑦ ᐅᖃᖅᓯᒪᔪᖅᑕᖃᓐᖏᒃᑲᓗᐊᖅᖢᓂ ᐊᑐᖅᑕᐅᓂᖅᐹᖑᓪᓗᓂ ᒐᕙᒪᐃᑦ ᐊᒻᒪᓗ ᓴᓇᕖᑦ ᐃᓗᐊᓂ.


 

Languages Overview - IUS

The Official Languages Act makes the Inuit, English and French languages, the official languages of Nunavut. The Inuit Language Protection Act seeks to protect and revitalize the Inuit language.

 

ᐃᓄᒃᑎᑐᑦ / ᐃᓄᐃᓐᓇᖅᑐᓐ

ᐃᓄᒃᑎᑐᑦ/ᐃᓄᐃᓐᓇᖅᑐᓐ ᐅᖃᐅᓯᓖᑦ ᐅᓄᕐᓂᖅᐹᖑᕗᑦ ᓄᓇᕗᒻᒥ. 70ᐳᓴᓐ ᓄᓇᕗᒻᒥᐅᑦ ᐃᓄᒃᑎᑦᑐᖅ ᐅᖃᐅᓯᕐᖓᐅᑎᖃᕐᒪᑕ.

ᐃᓄᐃᑦ ᐅᖃᐅᒥᖏᑦ ᐊᔾᔨᒌᑦᑎᐊᖏᒃᑲᓗᐊᖅᖢᑎᒃ ᓄᓇᓖᑦ ᒪᓕᒃᖢᒋᑦ, ᐃᓄᐃᓐᓇᖅᑐᓐ ᐃᓚᐅᓪᓗᓂ, ᐅᖃᐅᓯᕆᔭᐅᔪᖅ ᐅᐊᓕᓂᖅᐸᓯᖓᓂᕐᒥᐅᑕᐅᔪᓂ ᓄᓇᕗᒻᒥ. ᐃᓄᐃᓐᓇᖅᑐᓐ ᖃᓕᐅᔮᖅᐸᐃᑎᑐᑦ ᐃᓅᔨᖓᔪᑎᑐᑦ ᑎᑎᕋᐅᓯᖃᖅᑐᑦ ᐃᓄᒃᑎᑑᖏᑦᑐᖅ.

ᐅᖃᐅᓯᕐᓄᑦ ᐱᔪᓐᓇᐅᑎᑦ

ᐅᖃᐅᓯᕐᓄᑦ ᐱᔪᓐᓇᐅᑎᑦ

ᓄᓇᕗᒻᒥ ᐅᖃᐅᓯᕐᓄᑦ ᐱᔪᓐᓇᐅᑎᑎᑦ

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᐱᖁᔭᕐᔪᐊᖓ ᐊᖅᑯᑕᐅᓪᓗᓂ ᐃᓄᐃᑦ, ᖃᓪᓗᓈᑦ ᐊᒻᒪᓗ ᐅᐃᕖᑦ ᐅᖃᐅᓯᖏᑦ, ᐃᓕᓴᕆᔭᐅᓯᒪᓪᓗᑎᒃ ᐅᖃᐅᓯᕆᔭᐅᕗᑦ ᓄᓇᕗᒻᒥ.  ᐃᓄᐃᑦ ᐅᖃᐅᓯᖏᑦᑕ ᓴᐳᒻᒥᐅᓯᖅᑕᐅᓯᒪᓂᖏᓐᓄᑦ ᐱᖁᔭᕐᔪᐊᖅ ᓴᐳᒻᒥᐅᓯᖅᓯᒪᔾᔪᑕᐅᕗᖅ ᐊᒻᒪᓗ ᐆᒻᒪᖅᑎᑦᑎᒃᑲᓐᓂᐅᑕᐅᕗᖅ ᐃᓄᐃᑦ ᐅᖃᐅᓯᖓᓐᓂᒃ.

ᐅᖃᐅᓯᖅᑎᒍᑦ ᐱᔪᓐᓇᐅᑏᑦ ᐃᓗᐊᓃᑦᑐᑦ

ᐃᓱᒫᓘᑕᐅᔪᑦ ᐅᖃᐅᓰᑦ ᐱᔪᓐᓇᐅᑎᖏᓐᓄᑦ

ᐃᓚᒋᔭᐅᓂᕐᓄᑦ ᑕᖅᑲᒃᑯᓄᖓ ᑭᒃᑯᑐᐃᓐᓇᓄᑦ ᐅᖃᐅᓯᖃᕈᓐᓇᖅᑐᑎᑦ ᐃᓱᒫᓘᑎᒋᔭᕐᓂᒃ, ᓇᖕᒥᓂᖅ ᑭᒡᒐᖅᑐᐃᓗᑎᑦ ᐅᕝᕙᓘᓐᓃᑦ ᐊᓯᖕᓂᒃ ᐃᓄᖕᒥ, ᑎᒥᓐᖑᖅᑎᑕᐅᓯᒪᔪᓂᒃ ᐅᕝᕙᓘᓐᓃᑦ ᓄᓇᓕᖕᒥᒃ ᐃᒪᐃᑦᑐᖅᑕᖃᖅᐸᑦ:

ᐅᖃᐅᓯᕐᓄᑦ ᑲᒥᓴᓇᐅᑉ ᑎᑎᕋᕐᕕᖓ ᓴᐳᒻᒥᐅᓯᖅᓯᓯᒪᔪᓐᓇᖅᐳᖅ ᐅᖃᐅᓯᓕᕆᓂᕐᒧᑦ ᐱᔪᓐᓇᐅᑎᓂᒃ ᑭᓯᐊᓂ ᐃᓄᐃᑦ ᐅᖃᐅᓯᖃᖃᑦᑕᖅᐸᑕ ᐃᓱᒫᓘᑎᒋᔭᕐᒥᓂᒃ.

 

ᐃᓄᐃᑦ ᐅᖃᐅᓯᖓᑦᑕ ᓴᐳᒻᒥᔭᐅᓯᒪᓂᖓᓄᑦ ᒪᓕᒐᖅ

ᐃᓄᐃᑦ ᐅᖃᐅᓯᖓᑦᑕ ᓴᐳᒻᒥᐅᓯᖅᑕᐅᓯᒪᓂᖓᓄᑦ ᐱᖁᔭᕐᔪᐊᖅ

ᐃᓄᐃᑦ ᐅᖃᐅᓯᖓᑦᑕ ᓴᐳᒻᒥᐅᓯᖅᑕᐅᓯᒪᓂᖓᓄᑦ ᐱᖁᔭᕐᔪᐊᖅ

ᑲᓇᑕᓕᒫᒥ ᑖᓐᓇ ᐱᖁᔭᕐᔪᐊᑐᐊᑦᑎᐊᖅ ᓴᐳᒻᒥᐅᓯᖅᓯᓯᒪᔪᖅ ᐊᒻᒪᓗ ᐆᒻᒪᖅᑎᑦᑎᒃᑲᓐᓂᕋᓱᒃᑐᖅ ᓄᓇᖃᖅᑳᖅᓯᒪᔪᑦ ᐅᖃᐅᓯᕐᖓᐅᑎᖏᓐᓂᒃ.  ᑐᕌᒐᖃᓪᓗᐊᑕᖅᑐᑦ ᐅᓄᖅᓯᑎᒋᐊᒃᑲᓐᓂᕋᓱᒡᓗᒋᑦ ᐃᓄᐃᑦ ᐅᖃᐅᓯᖏᓐᓂᒃ ᐅᖃᓪᓚᑦᑎᐊᕈᓐᓇᖅᑐᑦ ᐊᒻᒪᓗ ᐅᖃᓕᒫᑦᑎᐊᕈᓐᓇᖅᑐᑦ.  ᓄᓇᕗᒻᒥᐅᑦ ᑕᒪᑐᒧᖓ ᑐᕌᒐᓕᐊᕆᔭᐅᓯᒪᔪᒧᑦ ᑎᑭᐅᑎᖁᒧᒃ, ᒥᓂᔅᑕᐃᑦ ᑲᑎᒪᔨᖏᑦ ᓴᖅᑭᑦᑎᓚᐅᖅᓯᒪᔪᑦ ᐅᖃᐅᓯᓕᕆᓂᕐᒧᑦ ᒥᓂᔅᑕᐅᑉ ᐃᓂᖓᓂᒃ ᐱᖁᔭᕐᔪᐊᑉ ᐃᓗᓕᖏᓐᓃᑦᑐᑦ ᒪᓕᒃᑕᐅᓪᓗᑎᒃ.

 ᑭᓱᓂᒃ ᖃᐅᔨᒪᔭᕆᐊᖃᖅᐳᖓ?

ᑕᒪᑐᒪᓂ ᐊᕐᕌᒍᒥ ᐱᒋᐊᕐᓗᒍ, ᐃᓕᓴᖅᑐᖁᑎᓖᑦ ᐱᔪᓐᓇᐅᑎᖃᖅᐳᑦ ᕿᑐᕐᖓᒥᓂᒃ ᐃᓕᓐᓂᐊᖅᑎᑕᐅᑎᑦᑎᓗᑎᒃ ᐃᓄᐃᑦ ᐅᖃᐅᓯᖓ ᐊᑐᕐᓗᒍ ᐱᒋᐊᓕᓵᕐᓂᖏᓐᓂ ᖁᕝᕙᓯᖕᓂᓕᒃ 3-ᒧᑦ ᑎᑭᓪᓗᒍ.

 ᑭᓱᒃᑲᓐᓂᓪᓗ?

ᒐᕙᒪᐃᑦ ᐱᓕᕆᕝᕕᖏᑦ ᐊᒻᒪᓗ ᓇᖕᒥᓂᕆᔭᐅᔪᑦ ᐱᔭᒃᓴᖅᑖᖅᑎᑕᐅᓂᐊᖅᐳᑦ ᐊᑐᓪᓚᕆᒃᑐᓂᒃ ᐱᔨᑦᑎᕈᑎᓂᒃ ᐊᑐᐃᓐᓇᕈᐃᓯᒪᓂᖅ ᐃᓄᐃᑦ ᐅᖃᐅᓯᖏᓐᓂᒃ ᐊᑐᕐᓗᑎᒃ.  ᑖᒃᑯᓄᖓ ᐃᓚᓕᐅᔾᔭᐅᓯᒪᕗᑦ ᑐᐊᕕᕐᓇᖅᑐᓕᕆᔨᑦ, ᐸᖅᓴᐃᔩᑦ, ᐋᓐᓂᐊᖃᕐᓇᓐᖏᑦᑐᓕᕆᔨᑦ, ᐃᓅᓕᓴᐃᔩᑦ, ᐄᔭᒐᖅᑖᕐᕕᑦ, ᐃᒡᓗᓂ, ᓇᔪᒐᕐᓂ ᐊᒻᒪᓗ ᑐᓐᖓᓱᒃᑎᑦᑎᓂᕐᒧᑦ ᐱᔨᑦᑎᖅᑏᑦ (ᓄᓇᓖᑦ ᒐᕙᒪᖏᑦ 2012 ᑐᖔᓂ).  ᑕᒪᑐᒪ ᐅᓪᓗᖓ ᐋᖅᑭᒃᑕᐅᓂᐊᖅᑐᖅ ᒥᓂᔅᑕᐃᑦ ᑲᑎᒪᔨᖏᓐᓄᑦ.

 ᑐᑭᓯᒋᐊᒃᑲᓐᓂᕈᒪᕖᑦ?

ᐃᓄᐃᑦ ᐅᖃᐅᓯᖓᑦᑕ ᓴᐳᒻᒥᐅᓯᖅᑕᐅᓯᒪᓂᖓᓄᑦ ᐱᖁᔭᕐᔪᐊᑉ ᒥᒃᓵᓄᑦ ᑐᑭᓯᒃᑲᓐᓂᕈᒪᒍᕕᑦ, ᐅᓇ ᓇᕿᓪᓗᒍ click here.

AttachmentSize
i2008snc17_INUK.pdf390.37 KB

ᐅᖃᐅᓯᕐᓄᑦ ᐃᓕᓴᕆᔭᐅᓯᒪᔪᓄᑦ ᒪᓕᒐᖅ

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᐱᖁᔭᕐᔪᐊᖓ

ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᐱᖁᔭᕐᔪᐊᖓᑦ ᐃᓕᓴᖅᓯᓯᒪᕗᖅ ᐱᖓᓱᓂᒃ ᐅᖃᐅᓯᕐᓂᒃ: ᐃᓄᐃᑦ ᐅᖃᐅᓯᖓᑦ, ᖃᓪᓗᓈᑦ ᐊᒻᒪᓗ ᐅᐃᕖᑦ.  ᑖᒃᑯᑎᒎᓇᖅ ᐱᖁᔭᕐᔪᐊᖅᑎᒍᑦ ᐅᑯᐊᖑᕗᑦ ᐱᔪᓐᓇᐅᑏᑦ ᓇᓗᓇᐃᖅᑕᐅᓯᒪᓪᓚᕆᒃᐳᑦ:

ᓄᓇᓖᑦ ᒐᕙᒪᖏᑦ
ᑐᒃᓯᕌᓖᑦ ᐅᓄᕐᓂᖏᑦ ᓈᒻᒪᒃᐸᑕ, ᐊᒻᒪᓗ ᐱᔨᑦᑎᕐᕕᐅᔪᒪᒃᐸᑕ ᓇᓕᐊᑐᐃᓐᓇᖅ ᐅᖃᐅᓯᑦ ᐃᓕᓴᕆᔭᐅᓯᒪᔪᑦ ᐊᑐᕐᓗᒋᑦ, ᓄᓇᓕᖕᓂ ᒐᕙᒪᐃᑦ ᐱᔨᑦᑎᕈᑎᓂᒃ ᓴᖅᑭᑦᑎᔭᕆᐊᖃᖅᐳᑦ ᐊᑐᕐᓗᒍ ᐅᖃᐅᓯᖅ ᐃᓕᓴᕆᔭᐅᓯᒪᔪᖅ 2012 ᑐᖔᓂ.  ᑐᒃᓯᕌᓖᑦ ᐅᓄᕐᓂᖏᑦ ᓈᒻᒪᖕᓂᕋᖅᑕᐅᓇᔭᖅᐳᑦ ᐅᑯᑎᒎᓇᖅ:

ᐅᖃᐅᓯᑦ ᐃᓕᓴᕆᔭᐅᓯᒪᔪᑦ ᐱᖁᔭᕐᔪᐊᖓᑕ ᒥᒃᓵᓄᑦ ᑐᑭᓯᒋᐊᒃᑲᓐᓂᕈᒪᒍᕕᑦ ᐅᓇ ᓇᕿᓪᓗᒍ click here.

 

AttachmentSize
inukconssnu2008c10.pdf302.52 KB

ᐅᖃᐅᓯᕐᓄᑦ ᐱᕚᓪᓕᕈᑎᒃᓴᑦ

ᐅᖃᐅᓯᕐᖓᐅᑎᖕᓂᒃ ᓴᖅᑭᔮᖅᑎᑦᑎᒃᑲᓐᓂᕋᓱᖕᓂᖅ

ᐅᖃᐅᓯᕐᖓᐅᑎᖕᓂᒃ ᓴᖅᑭᔮᖅᑎᑦᑎᒃᑲᓐᓂᕋᓱᖕᓂᖅ
ᑎᑎᕋᕐᕕᒃᐳᑦ ᐃᑲᔪᖅᓱᐃᕗᖅ ᐃᓘᓐᓇᖏᓐᓂᒃ ᓄᓇᕗᒻᒥ ᓄᓇᓖᑦ ᐅᖃᐅᓯᓕᕆᔨᖏᓐᓂᒃ ᐊᒻᒪᓗ ᓴᖅᑭᔮᖅᑎᑦᑎᒃᑲᓐᓂᕋᓱᒃᑐᓂᒃ ᐅᖃᐅᓯᕐᖓᐅᑎᒥᖕᓂᒃ.

ᐅᖃᐅᓯᕐᓄᑦ ᑲᒥᓴᓇᐅᑉ ᑎᑎᕋᕐᕕᖓ ᑮᓇᐅᔭᖃᖅᑎᑦᑎᔨᐅᓐᖏᒃᑲᓗᐊᖅᑎᓪᓗᒍ ᐅᖃᐅᓯᓕᕆᓂᕐᒧᑦ ᐱᓕᕆᐊᓐᖑᖅᑎᑕᐅᓯᒪᔪᓄᑦ ᑐᕌᖓᔪᓄᑦ, ᖁᕕᐊᓱᑐᐃᓐᓇᕐᓂᐊᖅᑐᒍᑦ ᐃᓕᔅᓯᓐᓂᒃ ᐃᑲᔪᕈᓐᓇᕈᑦᑕ ᕿᒥᕐᕈᓇᒃᑎᓪᓗᓯ ᐱᓕᕆᐊᓐᖑᖅᑎᑕᐅᓯᒪᔪᓂᒃ ᐊᒻᒪᓗ ᐃᑲᔫᑎᒃᓴᖅᓯᐅᖅᑎᓪᓗᓯ.

ᑐᓴᐅᒪᖃᑦᑕᐅᑎᓕᕆᔨ ᖃᖓᑐᐃᓐᓇᖅ ᖃᐅᔨᒋᐊᕐᕕᒋᓂᐊᖅᐸᐃᑦ ᑐᑭᓯᒋᐊᒃᑲᓐᓂᕈᒪᒍᕕᑦ ᐃᑲᔪᖅᑕᐅᔪᒪᒍᕕᓪᓘᓐᓃᑦ.

ᑮᓇᐅᔭᖅᑖᕐᕕᐅᔪᓐᓇᖅᑐᓂᒃ ᑐᑭᓯᒋᐊᒃᑲᓐᓂᕈᒪᒍᕕᑦ ᐅᓇ ᑐᑭᓯᒋᐊᕐᕕᒋᔪᓐᓇᖅᑕᐃᑦ Funding Your Language Project PDF.

AttachmentSize
Official Language Promotion Fund.pdf136.52 KB

ᐅᖃᐅᓯᕐᓅᖓᔪᓕᕆᓲᑦ

ᓇᓗᓇᐃᒃᑯᑕᐅᑉ ᒥᒃᓵᓄᑦ

ᓇᓗᓇᐃᒃᑯᑕᑦᑕ ᒥᒃᓵᓄᑦ

ᖃᔅᓯᑲᓪᓚᖕᓂᒃ ᑐᕌᕆᔭᖃᓚᐅᖅᑐᒍᑦ ᓇᓗᓇᐃᒃᑯᑕᖅᐳᑦ ᓴᖅᑭᑎᑕᐅᕙᓪᓕᐊᓕᖅᑎᓪᓗᒍ. ᑖᒃᑯᐊ ᑐᕌᕆᔭᕗᑦ .  ᐅᕝᕙᐅᕗᑦ:

ᐊᑐᕈᒪᓚᐅᓐᖏᑦᑐᒍᑦ ᑎᑎᕋᐅᔭᖅᓯᒪᕈᓗᑐᐃᓐᓇᖅᑐᓂᒃ ᐅᕝᕙᓘᓐᓃᑦ ᐊᑐᖅᑕᐅᓗᐊᖅᑐᓂᒃ, ᐃᓄᖕᓄᓪᓗ ᑐᕋᖓᔪᓂᒃ ᐊᑕᐅᓯᐅᓐᖏᑦᑐᓂᒃ ᐃᓚᖃᐅᖁᓚᐅᕐᒥᔭᕗᑦ ᓄᓇᕗᒻᒥᐅᓄᑦ ᐃᓕᓴᕐᓇᕐᓂᖅᓴᐅᓂᐊᕐᒪᑦ.  ᑕᒪᒃᑯᐊ ᑐᕌᒐᓕᐊᕆᓚᐅᖅᑕᕗᑦ ᑎᑭᐅᑎᖅᑰᖅᑕᕗᑦ.

ᑖᓐᓇ ᐊᔾᔨᙳᐊᖅ ᓇᐅᒃᑯᓕᒫᖅ ᓴᖅᑭᑎᑦᑎᓇᓱᒃᐳᖅ ᑐᓴᐅᒪᖃᑦᑕᐅᑎᓂᕐᒥᒃ, ᑕᒪᓐᓇ ᓲᖃᐃᒻᒪ, ᐅᖃᐅᓯᐅᑉ ᐱᔾᔪᑎᒋᖕᒪᒍ, ᑖᔅᓱᒪᓗ ᑎᑎᕋᕐᕕᐅᑉ ᑐᕌᕆᕙᖓ ᓴᐳᔾᔨᓯᒪᓂᖅ ᐱᔪᓐᓇᐅᑎᒋᔭᐅᔪᒥᒃ ᑐᓴᖅᑎᑦᑎᔪᓐᓇᕐᓂᕐᒥᒃ ᓇᓕᐊᖕᓄᑐᐃᓐᓇᖅ ᐅᖃᐅᓯᕐᓄᑦ ᐃᓕᓴᕆᔭᐅᓯᒪᔪᓄᑦ.