Uqauhiliqinirmut Pilaarutingit

Uqauhiitigut Pilaarutitit Nunavunmi

 Taamna Ilitariyauhimayunut Uqauhinut Maligaq pipqaqtitait Inuktut, Qaplunaatut Uiuitigullu uqauhiit, ilitariyauhimayut uqauhiit Nunavunmi.  Taamna Inuit Uqauhinginnun Tammaqtailinirmut Maligaq piyumayuq tammaqtailiquplugu aturaanginnalaqipkarlugulu Inuit uqauhia.

Naittut naunaitkutit uqauhikkut pilaarutini

  • Aullaqtirhuni Saptaipa 2009mi, angayuqqaat piyaaqtut nutaqqatik ilihalihaaliqtut puqtunianut 3mut pipqaqtillugit ilihaitjutinik Inuit uqauhiani.  Ilihaitjutit taapkunung tamainnut aallanut puqtunirnut iliuraqtauhimaliqtughat talvuunga 2019kut.
  • Tamaita ukiuqtaqtumi havakviit atannguyaqarviit havakvit, taapkuallu katimayiit piviillu, imaatut Nunavut Igluliqiyiryuatkut ukuallu Qulliq Aulayunnautiliriyikkut, piyughat hulitjutitit hailihimapkarlugit tamainni ilitariyauhimayuni uqauhini.
  • 2011mi, havaktiit Nunavut Kavamatkunni piyaaqtut havaklutik Inuit uqauhiani.
  • 2012kut, haamlatkut hailihimapkaiyughat hulitjutighanik naliinni ilitariyauhimayuni uqauhimi amigaittunit piyumayauniqaqqat.
  • Miitiqtipkaihuiqqata, uplughamilu naunaiyaqtauhimayumik Ministanit, taapkuat nanminiqaqtut tunihiyughat hulitjutighanik Inuit uqauhiani.
  • Hulitjutighat Inuit uqauhiani ilihalihaaqtunut nutaqqanut inirninunlu iliharninginnut aullaqtirniaqtuq uplughami Ministat naunaiyaghimayaani.  Tatja huli, GN imailiuqtughat:
    • Pivallialiurlutik tunihilutiklu laisighakkut aturaanginnarutighanik nutaqqiqiviknut
    •  Tunihilutik ilihaitjiyunut ayuirharnirnik taapkuningalu ilihalihaaqtunut nutaqqani ilhautighanik hunanik
    • Pivallialiurluni tunihilunilu inirninut Inuit uqauhiani ayuirhautighanik pinahuarutinik

 Ihumaalugutit ukunani uqauhikkut pilaarutini

Ilauplutit tamainni unniutiyaaqtutit ihumaalungnirmik, ilikkut piplutit aallamikluunniit pitjutigiplugu, katimayuiyunikluunniit nunallaamikluunniit taimaatut:

  • Pingitkuvit hulitjutighanik ilitariyauhimayunit uqauhikkut piyumayarnik.
  • Ihumagiguvit ihumaliurniit ihumaliuqtauvaktut ukiuqtaqtumi havakvikmit pijutiqarniaqtut nakuungittumik hulaqutimik aulaninganik uumani ilitariyauhimayuni uqauhiqarnirmik.
  • Ihumagiguvit taimainninga aajjikkiiqarninga naliinni pingahuni ilitariyauhimayuni uqauhini ihumagiyauttiangittuq. 
  • Ihumagiguvit malingniqangittuq naliinni ilauyuni ukunani ILPA-mi, OLA-miluunniit.

  Taamna Havakviata Uqauhinut Kamisinaup hapummiyaaniaqtut uqauhikkut pilaarutinik inuit uqaqqata ihumaaluutimiknik.